وەزارەتی شارەوانی و گەشتوگوزاری هەرێمی کوردستان گوژمەی زیاتر لە 817 ملیۆن دینار بۆ پرۆژەكانی شاری هەولێر خەرج دەكرێت.
ئەمڕۆ دووشەممە 29ـی 05ـی 2023 وەزارەتی شارەوانی و گەشتوگوزار ڕایگەیاند: بە گوێرەی فەرمانێكی وەزارەتی شارەوانی و گەشتوگوار بە واژووی ساسان عەونی، وەزیری شارەوانی و گەشتوگوزاز ڕەزامەندی نیشان درا لەسەر خەرجكردنی گوژمەی (817 ملیۆن و 909 هەزار دینار) بۆ پڕۆژە خزمەتگوزارییەكانی شاری هەولێر.
لە ڕاگەیەنراوەکە ئاماژە بەوەش دراوە کە ئەو گوژمەیە لەسەر داهاتی شارەوانییە لە سنووری سەرۆكایەتیی شارەوانیی هەولێر و بەمەبەستی جێبەجێكردن، دروستكردن و قیرتاوكردنی شەقام لە ناوچەی پیشەسازی باشوور بۆ قۆناغەكانی یەكەم و دووەم و پرۆژەی ئامادەكردنی تێكەڵەی ئەسفەلتی بە بڕی 1000 هەزار تۆن بۆ چاككردنەوەی چاڵ و شكستی شەقامەكان، هەروەها جێبەجێكردنی ژمارەیەک پڕۆژەی دیکەی خزمەتگوزاری لە شاری هەولێر.