بەهای دۆلار زیاتر بەرزبووەوە

ئەمڕۆ یەكشەممە نرخی دۆلار بەرامبەر دیناری عێراقی لە بۆرسەی سەرەكی بەغدای پایتەخت و لە هەولێری پایتەختی هەرێمی كوردستان بەرزبوونەوەی بەخۆیەوە بینی.
سەرلەبەیانی ئەمڕۆ لە بۆرسەی ناوەندی كیفاح و حورییە لە بەغدا نرخی 100 دۆلار بە146 هەزار و 300 دیناری عێراقی مامەڵەی پێوەكرا.
لەكاتێكدا بەرەبەیانی دوێنێ نرخی 100 دۆلار بە 146 هەزار و 100 دینار بوو.
سەبارەت بە هەولێری پایتەختی هەرێمی كوردستانیش، نرخی دۆلار بەرزبووەتەوە، بەو پێیەی نرخی فرۆشتنی 100 دۆلار گەیشتووەتە 146 هەزار و 800 دینار، هەروەها نرخی كڕینیش گەیشتووەتە 146 هەزار و 750 دینار، لەكاتێكدا دوێنێ نرخی 100 دۆلار 146 هەزار 400 دینار بوو.