هێزە ئەمنییەکانی سلێمانی دەستگیرکردنی سێ بازرگانی ماددەی هۆشبەریان راگەیاند.
بەگوێرەی راگەیەندراوی ئاسایشی سلێمانی، دوای دەستکەوتنی زانیاری لەسەر باندێکی بازرگانیکردن بە ماددەی هۆشبەر لەسەر فەرمانی دادوەری لێکۆڵینەوەی ئاسایش، بە هەماهەنگی لەگەڵ بەڕێوەبەرایەتی ماددە هۆشبەرەکانی پارێزگای دیالە، لە هەڵمەتێکدا لە سنووری پارێزگای سلێمانی توانرا سێ بازرگانی ماددەی هۆشبەر دەستگیربکەن.
ئاماژە بەوەشکراوە، هەروەها دەستگیرا بەسەر بڕی یەک کیلۆ و 28 گرام حەشیش، 295 کریستاڵ و شەش گرام گەرد.
ئەوەشخراوەتەڕوو، تۆمەتباران بەپێی ماددەی 25 لە یاسای بەرەنگاربوونەوەی ماددە هۆشبەرەکان و کارتێکەرە ئەقڵیەکان، لێکۆڵینەوە لە دۆسیەکانیان بەردەوامە.