حکومەتى هەرێم پشووى رۆژانى جەژنى رەمەزانى راگەیاند

حکومەتی هەرێمی کوردستان رایگەیاند، بەبۆنەی جەژنی رەمەزانی پیرۆز لە 20ی نیسان تا 24ی نیسان لە سەرجەم دامەزراوەکانی هەرێمی کوردستان پشووی فەرمی دەبێت.

فەرمانگەی میدیا و زانیاری رایگەیاند، بە بۆنەى جەژنى رەمەزانى پیرۆز، رۆژى پێنجشەممە رێکەوتى 20ى نیسان تا رۆژى دووشەممە 24ى نیسانى 2023، لە سەرجەم دامەزراوەکانی هەرێمى کوردستان پشووى فەرمییە و رۆژى سێشەممە رێکەوتى 25ى نیسانى 2023 دەوامى فەرمى دەست پێدەکاتەوە.