رۆژی 5ـی4ـی2023 تا 15ـی 4ـی 2023 دەرگای خۆپاڵاوتن بۆ کاندیدانی ئەنجوومەنی کۆمیسیاران کراوە دەبێت.
ئەمڕۆ چوارشەممە (29ـی ئادار/مارسی 2023)، لیـژنەی وەرگرتنی سیڤی کاندیدانی کۆمیسیۆن کۆبووەوە و بریاڕیدا رۆژی 5ـی4ـی2023 تا 15ـی 4ـی 2023 دەرگای خۆپاڵاوتن بۆ کاندیدانی ئەنجوومەنی کۆمیسیاران بکاتەوە.
ئەمە لە کاتێکدایە رۆژی چوارشەممە (22ـی ئادار/مارسی 2023)، روبینه ئوملیك عەزیز، ئەندامی لیژنەی وەرگرتنی سیڤی کاندیدان، بە کوردستان24ی راگەیاند، بەهۆی پشووەکانی جەژنی نەورۆز، نەتوانراوە دەرگای خۆپاڵاوتن بکرێتەوە، هەربۆیە داوای پشووی نەورۆز و لە هەفتەی داهاتوودا دەرگای خۆ پاڵاوتن دەکرێتەوە.
لە بارەی وادەی کۆبونەوەی پەرلەمان بۆ هەڵبژاردنی کاندیدانی ئەنجوومەنی کۆمیسیاران، روبینه ئوملیك گوتی، دەبێت سەرۆکایەتی پەرلەمان لە نزیکترین کاتدا وادەی کۆبونەوە دیاری بکات.
ئەمەش هەنگاوەکانی کاراکردنەوەی کۆمسیۆنی باڵای هەڵبژاردن و راپرسی هەرێمی کوردستانە، کە تاوەکو ئێستا دوو کورسی کۆمیسیارانی کۆمسیۆنەکە بە چۆڵی ماونەتەوە.