هۆشیار سیوەیلی
وەزارەتی دەرەوە و
فۆریەن پۆلیسی و
کونسوڵی گشتیی
ئەمەریکا
ئەوە ماوەی 50 ســـاڵە، وەزارەتی دەرەوەی ئەمەریکا ســـاڵانە ڕاپۆرت دەربارەی مافـــی مرۆڤ لە زیاتـــر لە 190 وڵاتدا بڵاو دەکاتـــەوە. وابزانم هیچ وڵاتێک نییە کـــەم یان زۆر لە ڕووی پێشـــێلکردنی مافی مرۆڤەوە ڕەخنـــەی لێ نەگیرابێت. بـــۆ نموونە، ڕاپۆرتی ســـاڵ2020 دەربارەی نەرویج دەڵێت (خراپترین شـــێوازی کارکردن بە منداڵان) لەم وڵاتەدا هەیە، لە کاتێکدا هەمان وڵات بە پێی پێوەری دیموکراســـی جیهانی کە گۆڤاری ئیکۆنۆمیست ساڵانە بڵاوی دەکاتەوە لە ساڵی 2022دا یەکەم وڵاتە و لە 10 نمرە 9.8 نمرەی پێ دراوە. خودی ئەمەریکا لەسەر هەمـــان پێوەر ژمارە ٣0ــــی وەرگرتووە و نمرەکـــەی 7.85، واتە زۆر لە دوای نەرویجەوەیە. هەر هەمان پێوەری دیموکراســـی جیهانی بۆ ساڵی 2022 وڵاتێکی وەک ئۆرۆگـــوای دەخاتە ڕێزبەنـــدی11 بە نمرەی 8.91 و زۆر لە پێش ڕیزبەندی و نمـــرەی ئەمەریکایە کە لەســـەرەوە نووســـراوە. بۆیە، لە کاتێکدا پێویســـتە ڕاپۆرتەکانـــی وەزارەتی دەرەوە زۆر بەهەند وەربگرین، بەڵام پێویستیشـــە زیاتر
لەوەی هەن گەورەتر نەکرێن. ڕاپۆرتەکەی فۆریەن پۆلیســـی، ناحەقی بەرامبەر هەرێمی کوردســـتان تێدایە بە تایبەتی کاتێک لە کاری ئێســـتا و پێشووی نووســـەرەکەی ورد دەبینەوە، ئەوا بە لایەنی کەمەوە بێلایەنی و پیشـــەیی نووســـەرەکە دەکەوێتە ژێر پرسیارەوە و پێوســـتە بە بەڵگەوە وەڵام بدرێتەوە، بـــەڵام دەبێت ئەمەش وەک راپۆرتێکی ڕۆژنامەگەری ســـەیری بکەین و لەبەر ئـــەوەی گۆڤارەکە ئەمەریکییە نابێت وەک هەڵوێستی حکومەتی ئەمەریکی لێکبدرێتەوە. ئەوەی ڕەنگە قســـەی زیاتر هەڵبگرێـــت و کاردانەوەی زیاتریشـــی لێکەوتەوە، شـــێرکردنی وتارەکەی فۆڕیەن پۆلیســـییە لە لایەن بەڕێز کونســـوڵی گشـــتی ئەمەریکاوە لە ئەکاونتەکەی خۆی لە (LinkedIn). ئەمە کارێک بوو پێچەوانەی عورفی پەیڕەوکراوی دیپلۆماسی بە تایبەتی بۆ دیپلۆماتێک کە نوێنەری وڵاتێکی گەورە و گرنگ و دۆستی ستراتیژی هەرێمی کوردستان بێت. بە مەبەست یان بە ئەنقەست بەو کارەی پشتگیری ناوەرۆکی وتارەکەی کرد و بە لابردنیشی کارێکی باشی کرد و هەڵەکەی ڕاستکردەوە. هەندێـــک کاردانەوەی سۆشـــیال میدیا زیادەڕەویی تێدابوو بـــە تایبەتی کاتێک هەوڵدەدرێت پەڵە هەورێکی بچووک ئاسمانی فراوانی بەرژەوەندییە هاوبەشەکان
و کاری پێکەوەیی و پەیوەندی داهاتووی نێوان هەرێم و ئەمەریکا دابپۆشێت