بەڕێوەبەرایەتی پۆلیسی پارێزگای سلێمانی بڵاویكردۆتەوە كە مەفرەزەكانی نوسینگەی نەهێشتنی تاوانی ناوبازاڕ تۆمەتبارێكیان دەستگیركرد كە لەناو مزگەوتەكاندا دزی لە چەند هاوڵاتییەك كردبوو.
هەروەها دەڵێت:دوای ئەوەی چەند هاوڵاتییەك سكاڵایان تۆماركرد كە لەكاتی نوێژو لەناو مزگەوت دزییان لێكراوە ، هێزەكانی پۆلیس لێكۆڵینەوەو بەدواداچوونەكانیان دەستپێكردوو دوای چاودێریكردنێكی چەند ڕۆژە توانرا تۆمەتبار بدۆزرێتەوە و لەكاتی دزیكردندا لەناو مزگەوت دەستگیربكرێت .
پۆلیسی پارێزگای سلێمانی دەشڵێت:لە ئێستادا تۆمەتبار (ع،ه،ع لەدایكبووی 1972 بەناسنامە عەرەب ) بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراوە و 10 هەزار دۆلاری دزیوە و دانی ناوە بە تاوانەكانیدا .
پۆلیسی سلێمانی تۆمەتبارێکی دەستگیرکرد
