د. ئومێد سەباح سەرۆكی دیوانی ئەنجوومەنی وەزیرانی هەرێمی كوردستان رای گەیاند لەگەڵ سەرۆك وەزیرانی عێراق گەیشتوونەتە رێککەوتنێکی سەرەتایی لەسەر پرۆژە یاسای بودجە 2023 و لێکتێگەیشتنێکی باش لە نێوان هەردوو لا هەبوو.
ئێوارەی ئەمرۆ یەکشەممە د.ئومێد سەباح لە هەژماری خۆیدا لە فەیسبووك بڵاوی كردەوە: “وەک شاندی حکوومەتی هەرێمی کوردستان، لە بەغدا لەگەڵ محەمەد شیاع سوودانی سەرۆک وەزیرانی عێراق کۆبووینەوە.”
هەروەها نووسیویەتی: “لە کۆبوونەوەکەدا پاش گفتوگۆکردن دەربارەی بابەتە هەڵپەسێردراوەکانی نێوان هەولێر و بەغدا، گەیشتینە رێککەوتنێکی سەرەتایی لەسەر پرۆژە یاسای بودجەی 2023 و لێکتێگەیشتنێکی باش لە نێوان هەردوو لا هەبوو.”