شاره‌زایه‌كی كه‌شناسی پێشبینی هاتنی شه‌پۆلێكی وشكه‌سه‌رمای سیبیریای ده‌كات بۆ سه‌ر ناوچه‌كانی هه‌رێمی كوردستان .
ئاراس جه‌بار، شاره‌زای كه‌شناسی، ئه‌مرۆ شه‌ممه21ى 1ى 2023 رایگه‌یاند: لە ئەنجامی بەردەوامی کاریگەری ئەو بەرزە پاڵەپەستۆیەی لەسەر باکوری ناوچەکە جێگیربووە کەشی ھەرێمی بەدرێژای ئەم ھەفتەیە بەسەقامگیری ئەمێنێتەوە.
راشیگه‌یاندووه، لە سبەی ئێوارەی یەکشەمەوە 22ى1ى 2023 لە ئەنجامی ھاتنی بارستە ھەوایەکی سارد و وشکی سیبیریا بۆ سەر ناوچە جیاجیاکانی وڵاتی ئێران و رۆژھەڵاتی کوردستان بایەکی وشک و سارد ناوچە شاخاویەکانی رۆژھەڵات و باکوری رۆژھەڵاتی ھەرێم ئەگرێتەوە بەھۆیەوە پلەکانی گەرما تا کۆتای ئەم ھەفتە لەناوچەکانی سنوری پارێزگای سلێمانی و ئیدارەی راپەرین و ناوچە شاخاویەکانی پارێزگای ھەولێر بەرێژەی2 تا 5 پلە نزمبوونەوە بەخۆیەوە ئەبینێت و خێرای با ناوبەناو لەگەڵیدا چالاک ئەبێت بەخێرای15 تا 35 کم/س، لەتەواوی ناوچەکانی دیکەی ھەرێمدا پلەکانی گەرما 1 بۆ 2 پلە نزمدەبنەوە و رۆژی پێنجشەمە 26-1-2023 کۆتای بەکاریگەری ئەم وشکە سەرمایە دێت .
ئاراس جه‌بار ئاماژه‌ی به‌وه‌شكردووه، لەسەرەتای ھەفتەی ئایندەوە پشتیوان بەخودا کاریگەری شەپۆلێکی چالاکی بارانبارین لەدەریای ناوەراستەوە بۆ سەر تەواوی ناوچەکانمان درێژ ئەبێتەوە ئەگەر ھەیە بۆ ماوەی چەند رۆژێک بەردەوامی ھەبێت.
له‌راگه‌یاندراوێكیشدا كه‌شناسی هه‌رێمی كوردستان پێشبینییه‌كانی ره‌وشی كه‌ش و هه‌وای ئه‌مڕۆ و سبه‌ی یه‌كشه‌ممه‌ی به‌م شێوه‌یه راگه‌یاند:
کەشى پێشبینیکراوى 48 کاتژمێرى داهاتوو
ئەمڕۆ 21- 1- 2023
کەش/ ئاسمان ساماڵ دەبێت لەگەڵ پەیدابوونی هەندێ پەڵە هەور.
پلەکانی گەرما/ نزیک دەبێتەوە لە تۆمارکراوی رۆژی پێشوو.
خێراى با / 5 – 15 کم/س.
ئاراستەی با / باشورى خۆرهەڵات
مەوداى بینین / 8 – 10 کم
پلەکانی گەرما / لەسەرنەخشەدا ئاماژەیان پێدراوە
سبەی 22- 1- 2023
کەش/ ئاسمان ساماڵ دەبێت.
پلەکانی گەرما/ نزیک دەبێتەوە لە تۆمارکراوی رۆژی پێشوو.
خێراى با / 5 – 15 کم/س.
ئاراستەی با / باشورى خۆرهەڵات
مەوداى بینین / 8 – 10 کم
بەرزترین پلەکانی گەرمای پێشبینیکراو بە پلەی سیلیزی :
هەولێر : 19
سلێمانی : 16
دهۆک : 17
کەرکوک : 21
هەڵەبجە : 17
زاخۆ : 17
سۆران : 16
گەرمیان : 22
بەشى پێشبینى / 21- 1- 2023