ئەمڕۆ شەممە 31/12/2022، حكوومەتی فاتیكان رایگەیاند، جۆزێف رازندگر، پاپای پێشووی شازدەهەم لە تەمەنی 95 ساڵیدا كۆچی دوایی كرد.
جۆزێف رازندگر لە نیسانی 1927 لە باشووری ئەڵمانیا لە خێزانێكی ئایینی لەدایك بووە، لە ساڵی 1951 دوای تەواوكردنی زانكۆ، خۆی و برا گەورەكەی بە كاهین دەستنیشان كراون، كەسایەتییەكی قبووڵكراوی لەناو خەڵكدا هەبووە، ساڵی 2005 وەك رێبەری كریستیانەكان بوو بە پاپای فاتیكان و بۆ ماوەی هەشت ساڵ لەسەر كورسیی پاپای فاتیكانەوە دانیشت، بەڵام لە ئازاری 2013 دەستلەكاركێشانەوەی خۆی پێشكەش كرد، بە پاساوی ئەوەی بەتەمەندا چووە و ناتوانێ ئەركەكانی جێبەجێ بكات، بەمەش بوو بە یەكەم پاپا لە فاتیكان، خۆی دەست لە كار هەڵبگرێ و كورسییەكەی جێ بهێڵێ.