شارەزایەكی كەشناسی: لەرۆژانی پێنجشەمە وهەینی بارانبارین دەستپێدەكاتەوە

ئاراس جەبار، شارەزای  بواری كەشناسی پێشبینی كردووە كە رەوشی كەشوهەوای ئەمڕۆ سێشەمە 20-12-2022 بەم شێوەیە دەبێت..
لەئەنجامی بەردەوامی كاریگەری بەرزە پاڵەپەستۆی باكوری ناوچەكە ئاسمانی هەرێم بەزۆری ساماڵ ئەبێت لەگەڵ بوونی پەڵە ھەوری بەرز ،  پلەكانی گەرما بەڕاورد بە دوێنێ 1 تا 2 پلە نزمبوونەوە بەخۆیەوە ئەبینێت  ، خێرایی با لەسەرخۆ ئەبێت 5 تا 15كم/س لە ئاراستەی باكوری رۆژھەڵاتەوە .
هەروەها دەڵێت: سبەی چوارشەمە 21-12 لەئەنجامی لاوازبوونی كاریگەری ئەو بەرزەپاڵەپەستۆیە لەسەرناوچەكانمان و كارتێكردنی نزمەپاڵەپەستۆیەكی لاوازی دەریای ناوەراست ئاسمانی ھەرێم بە زۆری دەگۆرێت بۆ نیمچە ھەور و لەرۆژانی پێنجشەمە و ھەینی بارانبارین دەستپێدەكاتەوە .