ب هه‌لكه‌فتا هاتنا جه‌ژنا رۆژی یا ئێزی، سەرۆك بارزانی، په‌یامه‌كه پیرۆزباهیێ راستی ته‌ڤایا ئێزیدیێن كوردستان و جیهانێ كر، و ته‌كه‌ز ل سه‌ر برایەتی و بەرفرەهكرنا فەرهەنگا پێكڤەژیان و ئاشتیخوازیێ دناڤبەرا ته‌ڤایا پێكهاته‌یێن ئۆلی و نەتەوەیی یێن كوردستانێ كر.
ته‌كستا پەیاما سەرۆك بارزانی ژبۆ جەژنا رۆژیێن ئێزی:
ب ناڤی خودێ مەزن و دلۆڤان
ب هەلكەفتا جەژنا رۆژیێن ئێزی پیرۆزباهیەكا گەرم ل خوشك و برایێن ئێزیدی ل كوردستانێ و هەمی جیهانێ دكەم. هیڤیدارم ئەڤ جەژنە ببیتە دەستپێكەكا تازە ژبۆ ئارامی و بەختەوەرییا تەڤایا خوشك و برایێن ئێزیدی.
هەر ب ڤێ هەلكەفتا پیرۆز ته‌كه‌زیێ ل برایەتی و بەرفرەهكرنا فەرهەنگا پێكڤەژیان و ئاشتیخوازیێ د ناڤبەرا هەمی پێكهاته‌یێن ئۆلی و نەتەوەیی یێن كوردستانێ دكەین.
جەژنا هەوە پیرۆز بیت و بمینن ب خێر و خۆشی.
مسعود بارزانی
15ـی کانوونا ئێکێ