بە كورتی بە كوردی
هۆشیار سیوەیلی
دەبێ لەسەر ئەوە کۆک بین کە بنەماکانی دەوڵەت دابمەزرێنین
لە نووســـینێکی تری ئەم گۆشـــەیەدا نووســـیم کە حکومەت تەنیا دەزگایەکـــی دەوڵەتە و دەوڵەت گەورەتر و گشـــتگیرترە. لە وتاری ئەمڕۆی ئەم گۆشـــەیەدا جەخت لەســـەر هەمان بابـــەت دەکەمەوە و دەڵێـــم حکومەتێکـــی بەهێـــز زۆر گرنگە، بـــەڵام حکومەت تەنیا دەزگایەکـــی دەوڵەتـــە. حکومەتێکـــی بەهێـــز بەبـــێ پتەوکردنی دەزگاکانی تری دەوڵەت، بنکۆڵکردن و ڕزاندنی دەوڵەتە. خۆ ناکرێت دەوڵەتێکی هاوچەرخ دروست بکەین کە تەنیا لەسەر پایەیەک لە سێ پایە گرنگەکەی دەوڵەت ڕاوەســـتابێت؛ بێگومان نەخێر، چونکە هیچ تەنێکی فیزیکی و هیچ کیانێکی سیاسی و کولتووری و کۆمەڵایەتی و هتد، جێگیر و سەقامگیر نابێت گەر لە بری سێ کۆڵەکە یان پایەی پێویســـت هەوڵ بدات لەســـەر یەک کۆڵەکە یان پایە بەردەوامی بە خۆی بدات. جگە لە حکومەت (دەسەڵاتی جێبەجێکردن)، دوو پایە گرنگەکەی تری دەوڵەت دەسەڵاتی یاسادانان و دەسەڵاتی دادوەرین (کۆمەڵـــگای مەدەنی و میدیاش گرنگن). هیچ سیســـتەمێک بەبێ سەروەریی یاسا و هیچ یاسایەکیش بەبێ سەروەریی دایکی یاساکان کە دەستوورە و لە دۆخی نەبوونی دەستوور کە پەرلەمانە، ناتوانێت متمانـــەی زۆربەی خەڵک بەدەســـت بهێنێت و تـــۆوی بەردەوامی و
مانەوەی خۆی بچێنێت. ئێمـــە دەبێت کـــۆک و تەباو یەکگرتوو بین لەســـەر دروســـتکردن وپتەوکردن و پێشخســـتنی دەزگا هەرە گرنگەکانی دەوڵەتداری کە پەرلەمـــان و حکومـــەت و دادگاکانن. هەر لەبەر گرنگی ئەم ســـێ کوچکەیەی دەوڵەتە بۆ مانەوە و بەردەوامی و پێشـــکەوتنی دەوڵەت کـــە دامەزرێنەرانی دەوڵەتـــی ویلایەتە یەکگرتـــوەکان داڕێژەرانی دەســـتووری ئەمەریکی زۆر بە ووریایی و زۆر بە دیقەت لە ســـاڵی 1795دا ئەم سێ کوچکەیەی دەسەڵاتی دەوڵەتیان دامەزراندوە. بە کورتی: ئەم سێ دەسەڵاتە لە زۆرانبازی و ململانێی بەدرەوامدان و تەنانەت لـــە وڵاتێکی وەک ئەمەریکادا هەندێکجار ئەمە هەســـتی پێدەکرێت. لاوازی هەر یەک لەم ســـێ دەسەڵاتە یان بەهێزبوونی لە ڕادەبەدەری هەریەک لەوانە هاوســـەنگییەکە تێک دەدا؛ دەوڵەتی بێ حکومەتی بەهێز ئاژاوە و گێرەشـــێوێنی و ناسەقامگیری دەنێتەوە و دەوڵەتی خاوەن پەرلەمانی لاواز و نەبوونی یاســـا سەروەریی ڕژێمی
تۆتالیتاری و ئەسۆریتاری دروست دەکات