رێكخراوی كۆچی نێوده‌وڵه‌تی رایده‌گه‌یه‌نێت، زیاتر له 58 هه‌زار ئاواره‌ی عێراقی له رەوشیکی خراپدا ده‌ژین كه زۆربه‌یان خه‌ڵكی ناوچه ئازادكراوه‌كانن، به‌ڵام به‌هۆی نه‌بوونی خزمه‌تگوزاریی و ناسه‌قامگیری ئه‌منی ناگه‌ڕێنه‌وه ناوچه‌كانیان.
رێكخراوه‌كه ئاماژه‌ی به‌وه‌داوه، له راپرسییه‌كدا كه له‌گه‌ڵ دوو هه‌زار و 697 ئاواره، له‌باره‌ی هه‌ڵسه‌نگاندنی 18 شوێنی جیاوازی ژیانیان ئه‌نجامیانداوه تێیدا ده‌ركه‌وتووه، لە 125 ناوچەی سنووری پارێزگاکانی سه‌ڵاحه‌دین، ئه‌نبار و نه‌ینه‌وان و له پێنج ساڵی رابردوودا به‌هۆی بارگرژیی و شه‌ڕه‌وه نزیكه‌ی ملیۆنێك كه‌س هه‌ڵاتوون و ئێستا به‌ده‌ست نه‌بوونی شوێنی نیشته‌جێبوونیان ده‌ناڵێنن.
له راپۆرته‌كه‌ی كۆچی نێوده‌وڵه‌تی ئاماژه به‌وه دراوه، ئه‌وه‌ی په‌یوه‌سته به ژێرخانی مرۆیی و خزمه‌تگوزارییه‌كانه‌وه، ئەم لایەنەش بریتییە لە ئاسانکاری دابینكردنی چاودێری تەندروستی، ئاوی خواردنه‌وه، هەروەها بەردەستبوونی وزەی کارەبا و خزمەتگوزارییە یاساییەکان کە خێزانە ئاوارەکان دەتوانن منداڵەکانیان لە قوتابخانە سەرەتاییەکاندا تۆمار بکەن.