بیرەوەریا دامەزراندنا ئێكە‌تیا ئافرەتان
دلڤین خەلەف
ب هەلکەفتا دەربازبونا 70 سالێن پری خەبات وتێکۆشان لسەر دامەزراندنا ئێکەتیا ئافرەتێن کوردستانێ کو ل 11ی کانونا ئێکێ ژ سالا 1952 لسەر دەستێ بابێ نەتەوەیێ گەلێ کورد (بارزانیێ نەمر) کو دان بمافێ ئافرەتێن کورد دناڤ رێزێن پارتی دیموکراتی کوردستان دە هاتە دان و هەموو رێکێن ئازادیێ ل پێش وان هاتنە ڤەکرن دا کو داخوازا مافێ گەلێ خوە و تەڤایا ئافرەتێن وەلاتێ خوە ب رێکا ڤێ رێکخراوا تێکۆشەر بکەن و هەر ل وی دەمی چەندین ئافرەتێن دلسۆز و قەهرەمان بوونە پێشرەوێن ئافرەتان و کاروخزمەتەکا پیرۆز دڤی بواری دە کرن کو هەتا نها ژی سەرفەرازی و سەروەریا ئافرەتێن گەلێ کوردستانێ درێکا ڤێ رێکخراوێ دە بەردەوامی دایە ب دەست ئینانا مافێن ئافرەتێن مللەتێ مە بێ جوداهی، لەوا ئەم پڕ ژدل جوانترین و گەرمترین پیرۆزباهیان ئاراستەی تەڤایا خێزانێن سەربەرزێن شەهیدێن رێکا ئازادی و رزگاربوونا کوردستانێ دکەین و بتایبەت ئەوان دایک و خویشکێن دلێر کو بووینە پشتەڤانێن پێشمەرگەهێن قەهرەمان پارێزەرێن وەلاتێ مە و هەروەها هەموو ئافرەتێن کورد ل سەرانسەری جیهانێ دکەم و بتایبەت سکرتێر و ئەندامێن سکرتاریەتا ئێکەتیا ئافرەتێن کوردستانێ و سەرجەم ئەنجوومەن و ناوەندێن تێکۆشەر یێن سەر ب ئێکەتیا مە ڤە. هەروەها وەکو کچەکا ئێزدی و خەلکا شنگالێ ڤێ
هەلکەفتا پیرۆز ل سەرجەم ئافرەتێن ئێزدی و بتایبەت ئەوان دایک و خویشکێن مە یێن شنگالی یێن خۆراگر دکەم کو ل درێژیا ڤان هەشت سالێن دەربازبووین و ژئەگەرێ هێرشەکا بێ وژدان ژ لایێ رێکخراوا تیرۆرستی یا داعش بۆ سەر باژێرێ شنگال ژیارا خوە یا رۆژانە ل ژێر زەحمەتیا ژیانا ئاوارەبوونێ و لبن چادران دەربازدکەن و هەردەم چاڤەرێی ڤەگەریانا سەر جیه
ووارێن خونە. هەر دیسان ڤێ رۆژێ ل هەموو دایک و خویشکێن رزگاربوویێن دەستێ رێکخراوا تیرۆرستی یا داعش دکەم ژ بۆ بەرخوەدان و خۆراگریا وان ل دەمێ بووینە ئێخسیر و دیل و کەفتینە دەستێن قرێژ یێن وان نەمەردان و هەروەسا هیڤیدارین ئەو یێن ماین دناڤ دەستێن وان بێ وژدانا دە ژی ل دەمەکی نێزیک رزگارببن و بگەهنە همبێزا کەسوکارێن خوە. ل داویێ وبراستی ئەم هەموو کارو چالاکیێن ڤێ رێکخراوا خەباتکەر گرنگ دنرخینین و دەستخۆشیێ ل هەموو هەڤالێن هێژا دکەین کو ل درێژیا خەباتا گەلێ کورد دناڤ مللەتێ مە دا ب ئەرکێ خوە یێ پێدڤی رابووینە و کاروخزمەتەکا شایستەی ئافرەتێن کورد ژ هەموو بواران ڤە کرینە و ئەڤ چەندە ژی بوویە جهێ دلخۆشیا تەڤایا ئافرەتێن کورد ل هەر جیهەکی دووبارە ئەم ڤێ بیرەوەریا مێژویی وگرنگ ل سەرجەم ئافرەتێن کوردستانێ وبتایبەت ل ئێکەتیا ئافرەتێن کوردستانێ پیرۆز دکەین و هیڤیا سەرفەرازیێ بۆ کار و ئەرکێ وان یێ پیرۆز دخوازین و هەر سەرکەفتی بن ژ بۆ خزمەتا گەلێ خوە و ئافرەتێن کوردستانێ بتایبەت.