سه‌رۆكی حكومه‌تی هه‌رێمی كوردستان پێشوازی له سەرۆکی تەریقەتی عەلییەی قادری کەسنەزانی لە جیهان کرد و جه‌ختیان له په‌ره‌پێدانی کولتووری میانەڕەویی و بەیەکەوەژیانی ئاشتییانەی نێوان پێکهاتە جیاوازەکانی هەرێمی کوردستان كرده‌وه.
ئەمڕۆ دووشەممە (5ـی كانوونی یه‌كه‌م/دیسێمبەری 2022)، مەسرور بارزانی، سەرۆکی حکومەتی ھەرێمی کوردستان، پێشوازی لە شێخ نەهرۆ شێخ محەمەد کەسنەزانی سەرۆکی تەریقەتی عەلییەی قادری کەسنەزانی لە جیهان کرد.
لە دیدارەکەدا، گفتوگۆ دەربارەی دۆخی گشتیی کوردستان و گۆڕانکارییەکانی عێراق و ناوچەکە کرا. هه‌روه‌ها جەخت لە پەرەپێدانی کولتووری میانەڕەویی و بەیەکەوەژیانی ئاشتییانەی نێوان پێکهاتە جیاوازەکانی هەرێمی کوردستان کرایەوە.