ئاریان دەرگەڵەیی – هەولێر
رۆژی 25ی ئەم مانگە لە سەعات ٦ی ئێوارە پێشانگای “كوردستان؛ ڕوخساری ڕزگاری” لە مۆزەخانەی شاری بیگدۆشچ كرایەوە.
پێشانگاكە پێك هاتووە لە دەیان كاری هونەرمەندانی كورد لە هەموو پارچەكانی كوردستانەوە، كە بریتین لە تابلۆ، گرافیك، وێنەكێشان، ڤیدیۆ و ئارت و ئینستەلێشن و وێنە.
ئەم پێشانگایە بە گەورەترین نمایشكردنی بەرهەمی دەستەیەك لە هونەرمەندانی كوردستان دەناسرێت كە تا ئێستا لە ئەوروپا ڕێک خرابێت.
تەواوكەری پێشانگاكە بەرنامەیەكی دەوڵەمەندە لە بۆنە یاوەرەكان وەكو نمایشكردنی فیلم، كۆنسێرت و سیمینار لە بارەی مێژوو و كولتووری كوردستان.
پێشانگاكە و ڤێستیڤالەكە تا رۆژی31ی ئاداری 2023 دەخایەنێت.
نوێنەرایەتی حكوومەتی هەرێمی كوردستان لە پۆلۆنیا هاوكار و یاریدەری ئامادەكردن و كردنەوەی پێشەنگاكە و كۆی بەرنامەی فیستیڤالەكەیە.
مۆزەخانەی بیدگۆسچ لەم بارەیەوە ڕاگەیێنراوێكی بڵاو كردۆتەوە و ئاماژەی بەوە داوە كە زۆرێك لەو دەوڵەتە سەرەتاییانەی كە ئەمڕۆ هەن، لە ڕابردوودا لەناو بوونەوەرە دەوڵەتییەكانی خۆیاندا كاریان دەكرد، بۆ نموونە سكۆتلەندا یان تبت. هەربۆیە “كوردستان – ڕوخسارەكانی ڕزگاری” یەكەمین خولی فێستیڤاڵی نێودەوڵەتی هونەری پرۆتۆنە، كە لە مۆزەخانەی ناوچەی بیدگۆسچ ڕێكدەخرێت. لەم فێستیڤاڵە ساڵانەیەدا چالاكییە هونەرییەكانی نەتەوە و نەتەوە بەناوبانگەكانی جیهان پێشكەش دەكرێن. لەم جێبەجێكردنانەی خوارەوەی پڕۆژەكەدا، ئێمە كولتوورەكان پیشان دەدەین وەكو باسك، كەتەلۆنی، تبت، تاتار.
ڤێستڤاڵەكە لە سەرەتای زستانەوە دەست پێدەكات و لە بەهاردا تەواو دەبێت و بەرهەمەكانی زیاتر لە ٣٠ هونەرمەندی كوردی هونەری جوان و بینراو لە نزیكەی هەموو بەشەكانی ئەوروپا و هەروەها ئوسترالیا و تایلەند و ئەمریكاوە پێشكەش دەكەین. ناویان شایەنی زانینە: ئەحمەد نەبەز، ئاریا عەتی، ئازاد كەریم محمد، ئازاد كەریم، ئازاد ناناكلی، بەهرام حاجۆ، بەلدین ئەحمەد، بەیان جاف، كایمان ئیسماعیل، دارا (محەمەد عەلی)، ئیبراهیم عەلیپور، فایق ڕەسووڵ، فوئاد عەزیز، هەڤین . سندی، جەلال ڕەئوف، جەمال پێنجوێنی، خەیری ئەدهەم، مەلوە (عومەر حەمدی)، محمد عارف، مورازۆ گاجان، نامۆ (محەمەد ڕۆستەمزادە)، نعمەت شەباب، نۆرم (ئیسام حەمدی)، عوسمان ئەحمەد، بوشیا كاكیل ئەحمەد، ڕوستەم ئاغالە، ڕوشدی ئەنوەر ، سەقر سلێمان، شوكر سەعید، سلێمان شاكر، تانیا ڕەشید، وەلید سێتی، یونس محەمەد، یوسف ساڵح و زەهرا دۆغان، هەر بەم بۆنەیەوە مۆزەخانەی بیدگۆسچ نزیكەی هەزار مەتر چوارگۆشە شوێنی پێشانگای تەرخان كردووە.
واكلاو كوچما بەڕێوەبەری مۆزەخانەی شاری بیدگۆسچ سەبارەت بە كردنەوەی ئەم پیشانگایە دەڵێت هەموو جیهان باسی پێشمەرگەی بیستووە، بەڵام بەداخەوە بە دەگمەن گوێت لە هونەرمەند و نووسەر و شاعیر و دەرهێنەری كورد دەبێت. گەورەترین وڵاتی جیهان بەبێ وڵاتێكی تایبەت بە خۆی مایەوە نەك تەنها لەبەر ئەوەی نەترسا چەك هەڵبگرێت؛ ماوەتەوە چونكە بەردی بناغەی تۆكمەی كولتوورێكی پاراستنی ناسنامەی دامەزراندووە. دەرەنجام هونەر و فەرهەنگی هاوچەرخی كوردی لە هەلومەرجی سیاسی و ئابووری تایبەتدا پەرەی سەند.