كه‌مێك له‌مه‌وبه‌ر، چوار مووشه‌ك ئاراسته‌ی پردێ كران كه باره‌گاكانی پارتی ئازادی كوردستانی لێیه.
حوسێن یه‌زدانپه‌نا سه‌رۆكی پارتی ئازادی كوردستان راگه‌یاند، چوار مووشه‌ك ئاراسته‌ی باره‌گاكان كراوه و درۆنیش به‌سه‌ر ناوچه‌كه‌دا ده‌سووڕێته‌وه.
ڕوونیشی كرده‌وه كه هێشتا زیانه‌كان نه‌زانراون، به‌ڵام به دڵنیاییه‌وه زیانی هه‌بووه.
هێشتا روون نییه كه ئه‌و مووشه‌كانه له ئێرانه‌وه ئاراسته كراون یان هه‌ر له ناوخۆی عێراقه‌وه، به‌ڵام ئه‌وه چه‌ندان جاره باره‌گاكانی ئه‌و حزبه بۆردمان ده‌كرێن و له بۆردمانه‌كانی مانگی رابردوویشدا زیانی گیانی و مادییان هه‌بوو.
به‌ڵام له لایه‌كی تره‌وه دژه‌تیرۆری كوردستان رای گه‌یاندووه كه بۆردمانه‌كه له‌لایه‌ن ئێرانه‌وه ئه‌نجام دراوه.