به‌هيدارى و سه‌رساخيێ ل مالبات و كه‌سوكارێت قوربانى يێت ڕويدانا دلته‌زينا په‌قينا شه‌ڤێدى يا دهۆكێ دكه‌م كو جهێ خه‌مه‌كا مه‌زنه، دل و هه‌ستێت من دگه‌ل وان و شريكێت ئێش و كۆڤانا وانم، ژ خودايێ مه‌زن هيڤيخازم گيانيێ قوربانييا ب ڕه‌حم و دلۆڤانيا خۆ شاد بكه‌ت و سه‌بر و ئاراميێ بده‌ته مالبات و كه‌سوكارێت وان، هه‌روه‌سا هيڤيا ساخبوون و شيفايا بله‌ز بۆ بريندارا دخازم، ئه‌م بۆ هه‌ر هاريكارييه‌كا پێويست يا چاره‌سه‌ريا وان ئاماده‌ينه.
دوباره‌بوونا ڕويدانا په‌قينا غازێ، جهێ نيگه‌رانى و مه‌ترسييه‌كا جددييه و دڤێت لايه‌نێت په‌يوه‌نديدار ب زويترين ده‌م ب جددى له‌سه‌ر ڤێ بابه‌تى ڕاوه‌ستن و چاڤدرێرييه‌كا باشتر له‌سه‌ر سيستمێ غازێ و چاوانيا بكارئينانا وێ هه‌بيت و ڕێكارێت باشتر يێت سه‌لامه‌تيێ هه‌بن داكو ڕێ ل ڕويدانێت هۆسا دلته‌زين بێنه گرتن.
خودايێ مه‌زن هاريكارێ مالبات و كه‌سوكارێت قوربانييا و خه‌لكێ پارێزگه‌ها دهۆكێ بيت و دلێ مه هه‌ميا دگه‌ل وانه.
نێچيرڤان بارزانى
سه‌رۆكێ هه‌رێما كورستانێ
2022.11.22