گوتەبێژی فەرماندەی گشتیی هێزە چەکدارەکان ئەمڕۆ دووشەممە 31ـی 10ـی 2022 ڕایگەیاند، سەرکردەیەکی تیرۆریستانی داعشیان لە کەرکووک دەستگیر کردووە.
لیوا یەحیا ڕەسووڵ گوتەبێژی فەرماندەی گشتیی هێزە چەکدارەکان ڕایگەیاند: هێزەکانی دژەتیرۆر ئۆپەراسیۆنێکیان ئەنجام دا و لە ئەنجامدا سەرکردەیەکی تیرۆریستانی داعش بەناوی (ئەبو حەمزە متوەیتی) دەستگیر کرا.
ڕاشیگەیاند: ئەو سەرکردەیە بەرپرسی بەناو ویلایەتی کەرکووک بووە و هاوکات پێشووتر لە فرقەی فورقان لە ویلایەتی نەینەوای سەر بە تیرۆریستانی داعش کاری کردووە.