هونەرمەندێكی شێوەكار ئاماژە بەوە دەكات سەرجەمی كارە هونەریەكانی لەسەر ژنگەری و ئازارەكانی ژنن لە كوردستان ئەو دەڵێت: “لە داهاتودا تابلۆی شێوەكاری بۆ ژینا ئەمینی دەنەخشێنێ و چاوەڕوانی كات دەكات”.
دەربارەی کوژرانی ژینا ئەمینی، ئەو کچە سەقزیەی لە تاراندا پۆلیس گرتی و، کوشتیان، دڵشاد بەهادین هونەرمەندی شێوەكار، كە بەشداری دەیان پێشانگای كردوە لەناوخۆ و دەرەوەی وڵات خاوەنی دەیان تابلۆی شێوەكاریە تایبەت بە ژن بۆ هەولێر وتی: “هونەری شێوەكاری هاوتەریبە، لەگەڵ سیاسەت وەك کوژرانی ژینا ئەمینی دۆخی ئێستای ئێران لەسەر ئەو ڕووداوە؛ هەروەها كاریگەری زۆری بەسەر سیاسەتەوە هەیە لە سەرجەم وڵاتان، بەڵام لە كوردستان وەك پێویست خزمەتیان بە كاری هونەریەوی نەكردووە، كە ئەمەش هۆكارێك بووە بۆ لاوازكردنی هونەری شێوەكاری، ئەوسا و ئێستایش.”
دەگەڕێتەوە بۆ قۆناغێكی مێژوویی و باسی ئەوەش دەكات “كۆنترین تابلۆی شێوەكاری كە لە بەردەستدا بێت، تابلۆی هونەرمەندی شێوەكارە (حسێن فەلاح)، كە مێژوەكەی بۆ ساڵی 1942 دەگەڕێتەوە، تابلۆكە گوزارشت لە سروشت دەكات، لەگەڵ ئەوەشدا، تابلۆی ساڵی پەنجا و شەست و حەفتاكانیشمان هەیە، كە خۆشبەختانە لە گەلەری زاموا هەڵگیراون و پارێزگارییان لێ دەكەین”.
وتیشی: “بەهۆكاری ئەوەی خزمەتی هونەر و هونەرمەند ناكرێت، زیاد لەهونەرمەندێكی هاوڕێم و چەندانی دیكە كە پێشتر بە خێزانی هونەرمەند بوون ئێستا نایانەوێت منداڵیان ببنە هونەرمەند، پێیان وایە كارێكی دیكە بكەن باشترە”.
ئەو گلەیی لە پێش سەردەمەكەی خۆشی دەكات دەڵێت “لە سەردەمی میرنشینی بابانیەكان و مەلیك مەحمودا، هیچ بابەتێكی كەلەپووری ئەوتۆ و وێنەی شێوەكاریمان نیە، كە دەكرا وەك خێزانی مەلیكەكانی دنیا، كۆمەڵێك هونەری شێوەكاری كلتوری لەسەر خێزانەكانیان هەبێت.
ئەوەشی وت بۆچی توركەكان ئەو ساڵانەی لە شاری سلێمانیدا ژیاون، ٣٠٠ جێگەیان كردووە بە ناوی خۆیان؛ بۆچی تائێستا كە ماوەی ٣٠ ساڵ دەكات نەتوانراوە ئەو ناوانە بكرێنەوە بە ناوی كوردی و ناوە توركیەكە بگۆڕدرێت، كە جێگەی قسە لەسەركردن و باسكردنە.