لەژێر چاودێری لێژنەی ئۆلۆمپی هەرێمی کوردستان و بە سەرپەرشتی یەکێتی ناوەندی جۆدۆی کوردستان، ئەمڕۆ هەینی 9ی 9ی 2022، پاڵەوانییەتی جۆدۆی یانەکانی کوردستان لەسەر ئاستی کوڕان بەڕێوە دەچێت.
پاڵەوانێیەتییەکە لەسەر ئاستەکانی پێشکەوتووان، لاوان و تازەپێشگەیشتووان دەبێت.
لە پاڵەوانییەتییەکە 19 یانە بەشدارن و کاتژمێر 10ی بەیانی ئه‌مڕۆ هه‌ینی لە هۆڵی یانەی وەرزشی ئاسۆ دەستپێکی پاڵەوانییەتییەکە دەبێت.
بەرێوەچوونی ئەم چالاکییەی یەکێتی ناوەندی جۆدۆی کوردستان لە میانی ئەو چالاکییە وەرزشییانەیه کە یەکێتییە وەرزشییەکان سەرپەرشتی دەکەن لەژێر چاودێری لێژنەی ئۆلۆمپی هەرێمی کوردستان.