لە دهۆك پرۆژەیەكی دروستكردنی شۆستە و فراوانكردنی شەقام جێبەجێ دەكرێت
بە مەبەسی پەرەپێدانی پرۆژە خزمەتگوزارییەكانی شارۆچكەكە، پرۆژەیەكی دروستكردنی شۆستە و فراوانكردنی شەقام لە سەنتەری شارۆچكەی گردەسێن لە سنووری بەڕێوەبەرایەتیی گشتیی شارەوانییەكانی دهۆك جێبەجێ دەكرێت كە كاریگەری لەسەر ئاسانكاری هاتوچۆی شۆفێران و هاووڵاتییانی شارۆچكەكە دەبێت.
لە قۆناغی یەكەمی پرۆژەكەدا كاری دانانی كیربستۆن و فراوانكردنی شەقامەكانی سەنتەری شارۆچكەی گردەسێن لەسەر ڕێژەی 15٪ و پێشینەی مانگانەی شارەوانی جێبەجێ دەكرێت.
وێڕای ئەم پرۆژەیە، ئێستا لە سنووری بەڕێوەبەرایەتیی گشتیی شارەوانییەكانی دهۆك چەندین پرۆژەی دیكە لە قۆناغی جێبەجێكردندان.