بە فەرمانی مەسرور بارزانی بەڕێوەبەرایەتی گشتیی گەشتوگوزار لە ئیدارەی سەربەخۆی ڕاپەرین دەکرێتەوە
لە چوارچێوەی گرنگیدانی کارنامەی کابینەی نۆیەمی حکومەتی ھەرێمی کوردستان بە کەرتی گەشتوگوزار و گەشتیاری لە ھەرێمی کوردستان، لە پێناو ئاسانکاری بۆ کاروباری ھاووڵاتیان و پێشکەشکردنی خزمەتگوزاری زیاتر لە پارێزگاکان و ئیدارە سەربەخۆکان، بە فەرمانی مەسرور بارزانی، سەرۆکی حکوومەتی ھەرێمی کوردستان، بەڕێوەبەرایەتی گشتی گەشتوگوزاری ڕاپەرین، لەسەر میلاکی وەزارەتی شارەوانی و گەشت و گوزاری حکوومەتی ھەرێمی کوردستان دەکرێتەوە.