دوو فڕۆكەی بێفڕۆكەوان بارەگایەكی پەكەكە لە گوندێکی سنووری چەمچەماڵ دەکاتە ئامانج
دوو فڕۆكەی بێفڕۆكەوان لە گوندێكی نزیك چەمچەماڵ بۆردوومانی ئۆتۆمبێلێكیان كردووە، جگە لە ئۆتۆمبێلەكە، ئاگر لە پووش و پاوانی ناوچەكەش كەوتووەتەوە.
هێمن بەهجەت، بەڕێوەبەری ناحیەی ئاخجەلەر بە کوردستان24 ی راگەیاند “ئۆتۆمبێلێك پێكراوە لە گوندی دووتەقەڵ لە بناری خاڵ خاڵان، بەبیانووی هەبوونی چەکداری پەكەكە، لەناو ئۆتۆمبێلەکە پێنج کەسی تیابوون و کوژراون.
بەگوێرەی زانیارییەکانی پەیامنێرمان، هێزە ئەمنییەكان و هێزی بەرگریی شارستانی چوونەتە ناوچەكە، بەڵام بەهۆی ئەوەی تا ئێستا فڕۆكەكان بەئاسمانی ناوچەكەوەن، ناتوانن بچنە شوێنی ڕووداوەكە.