ئەگەرێن خۆكوشتنا ئافرەتان

دلڤین خەلەف

ئەڤە دەمەکە نڤیسینا ڤی بابەتێ گرنگ ل بیرا من بوو لێ ژکارتێکرنا وی یا خراب لسەر دروونێ خەلکێ مە بگشتی وئافرەتێ بتایبەتێ من نەدڤیا بابەت بێتە ئازراندن ئەوژی ژبەر گەلەک ئەگرا وژوان ژی بریندارکرنا هەستێ ئافرەتان دڤێ قوناغا هەستیار دە کو خەلکێ مە یێ شنگا ڵناڤ کەمپان دە ژیانا خوە دبەنەسەر. براستی پێدفیە ئەڤ جۆرە بابەتە ب هشیاریەکا مەزن وبزانەبوون بێتە باسکرن و شرۆڤەکرن وکارەکی ئێکجار باش ژێرە بێتە کرن پێخەمەت مرۆڤ کاربێ ئەنجامێن راست ودروست یێن کارتێکرنا وی ژهەموو ئالیان ڤە بێخت سەر زمان وفەرە ژدەستپێکا ئەگەرێن وی یێن سەرەکی بابەت بێتە شۆپاندن ورۆنکرن لسەر بێتەکرن. لگۆر ڤەکۆلینێن بەرفرەه لسەر ڤی بابەتێ گرنگ ژ چەندین ژێدەرێن جهێ باوەریێ بەردەستێ مە کەفتین وبتایبەت برێکا کارێ کو بووینە چەند سال ئەم دناڤ خەلکێ خوە دا ئەنجام ددین ولگۆر ئەوان پێزانینێن هەموو جارا دکەفتنە بەر دەستێ مە فەرە چەندین ئەگەر وچارەسەریێن ڤێ دیاردا خراب برێکا ڤی بابەتێ گرنگ دئەڤان خالێن لخوارێ دیار بدەینە خویاکرن وکارتێکرنا ڤێ چەندێ لسەر رەوشاخەلکێ مە یێ شنگال بتایبەت پشتی ئەوێ کارەساتا مەزن ژ ئەنجامێن وێ هێرشا هۆڤانە ژلایێ رێکخراوا تیرۆرستیا داعش بسەرێ وان دە هاتی و بووینە قوربانیێن هزروبیڕن پاشڤەرۆ ولوونە ئاوارە و ژیانا خوە لناڤ کەمپێ
کۆچبەریێ دەرباس دکەن.
١بێگومان هەر دەڤەرەکا تۆشی جەنگ وشەر وکارەساتا بێ و خەلکێ وێ دەربەدەر وئاوارەبێ وئەڤ جۆرێن کاودانا وێ لناڤ دە پەیدابن.
۲هەر دەمەکی رەوشا خیزانێ ژلایێ ئابۆری ڤە ئالۆز وبەرەف خرابوونێ بچێ، وبەلەنگازی ودەستکورتی ونەبوون دناڤا جڤاکێ دە سەرێ خوە هلدا، بێگومان وێ نەخۆشیێن تەندروستی ودروونی لناڤ دە پەیدابن و ئەڤ جۆرە بابەتێن خراب وێ بسەردا زال بن وخویاکەن.
٤بێ کاری ومانا لهیڤیا ئۆمێدێن پووچەل وبێ ئەنجام کارتێکرنەکا گەلەک مەزن لسەر کەسایەتیا هەر مرۆڤەکی دکەن و دبنە ئەگەرێن پەیدابوونا تێکچوونا رەوشا وان یا تەندرستی و ئەنجامێن خراب ژێ پەیدا دبن وئەڤ جۆرە بابەتە دهێنە پێش.
٥دوورکرنا خیزانێ ژئێک نەخاسمە دایک وباب ژ زارۆکێن سنێلە و نەفام دبیتە ئەکەرێ ژێک دوورکرنا هزروبیرا دناڤبەرا وان دە وئەڤ چەندە ژی ئەنجامێن خراب ژێ پەیدا دبن.
٦کارتێکرنا بکارئینانا کرەستێن قەدەغە ب هەموو جۆرێن خوە ڤە ودانوستاندنا نەرەوا وبەرۆڤاژی دابونەریتێن جڤاکی دگەل کەسێن خراب ودوورکەفتنا ژخوەندن وفێرکرنێ ونەبوونا کەسێن ژیر وشیرەتکار لنێزیک ئەوان کەسێن دقوناغەکا مەترسیدار دە دەرباس دبن دبیتە ئەگرێن ئەنجامدانا ڤان کاودانێن نەشارستانی وخراب.
٧ دانوستاندنا دژوار وشاش ژلایێ خیزانێ ڤە دگەل گەنجێن سنێلە دناڤ مالێ دە ئێک ژ ئەگەرێن هەری مەزنە ژبۆ پەیداکرنا ئاریشێن دروونی وتۆشبوونا وان بەرەف رەوشەکا رەش و تاری. ئەڤە ژی چەند نمونەیێن کێم بوون مە دڤان چەند خالان دە داینە دیار کرن ژبۆ ڤی بابەتێ گرنگ وکاریگەر، بێگومان گەلەک ئەگەرێن دی ژی هەنە کارتێکرنا خوە لسەر رەوشائەوان کەسان دکەن کو ژیاتا خوە بداوی دهینن و خوە دکوژن، لەوما فەرە لسەر هەموو لایەنێن پەیوەندیدار و بتایبەت رێکخراوێن مافێ مرۆڤان و دامو دەزگەهێن پەیوەندیدار یێن حکومەتا کوردستانێ گرنگیا ئەڤی بابەتی ل بەرچاڤ بگرن وهەولێن چارەسەریێ ژبۆ ئەڤی توخمێ مرۆڤان ببین وهەولێن پەیداکرنا ژیانەکا خوەش ژبۆ هەموو گەنجێن وەلاتێ مە بکەن بێخەمەت هەبوونا جڤاکەکی ساخلەم وڤالا ژڤان جۆرە کاودانێن خراب وبێ مفا و هیڤیا تەندروستیەکا باش بۆ تەڤایا گەنجێن گەلێ مە و بەرەڤ ئارامی و ئاڤەدانیا کەسایەتیەکا ب هێز و خودان شیان بۆ هەموو کەچ
وکورێن ڤی وەلاتی