توڕەمەبە

فه‌یسه‌ڵ كه‌ورینی

توڕەمەبە
گوڵی شیعرم لەناو باخچەی
ئاسودەیی
ئـومێدێکم مەقرتێنـــــــــە
پەی بۆ میوەی بێدەنگیم مەبە
بێدەنگی من گوڵ دەبەخشێتە
ناسكی پەپوولە
پەپوولەش سەرسامە پێم
لەدەوری مەراقی گوڵە شیعرێكم
دەگەڕێ و
بۆنی شاعیرێكی دڵشكاوم لێدەكات
كە لە تەنیایدا
دەبێ بەهاورێی تارماییم
توڕەمەبە
گەرتۆ شــــــەپۆڵێـکی لەباران
منیش دەریایەكم لەمیهرو
لێواو لێو لە ئاوەدانی
توڕەمەبە…