بەڕێوەبەرایەتی پۆلیسی پارێزگای سلێمانی رایگەیاند: “دوای ئەوەی گومان لە چوار گەشتیاری بە ناسنامە عەرەب كرا لە یەكێك لە پڕۆژە گەشتیارییەكانی قەزای دوكان، كە بەكارهێنەری مادەی هۆشبەرن، پاش وەرگرتنی بڕیاری دادوەر، دەستبەجێ مەفرەزەكانی بەشی پۆلیسی دوكان گەیشتنە شوێنی مانەوەی گەشتیارەكان و تونرا دەستبگیرێت بەسەر بڕێك مادەی هۆشبەر و سەرجەم تۆمەتباران دەستگیربكرێن”.
ئاماژە بەوەشکراوە: “تۆمەتباران (ح. ا. خ لە دایكبووی 2000) ، (ی. ش. ع لە دایكبووی 1998 ) ، (ا. ح. م لە دایكبووی 1990) و (ا. ع. غ لە دایكبووی 1999 ) سەرجەمیان بەناسنامە عەرەبن و دانیشتوی شاری بەغدان و بە مەبەستی گەشتكردن هاتوونەتە قەزای دوكان، بە بڕیاری دادوەر راگیراون، دوای ناردنیان بۆ پشكنین دەركەوت كە بەكارهێنەری مادەی هۆشبەرن”.
