نێچیرڤان بارزانی، سەرۆکی هەرێمی کوردستان بەبۆنەی جەژنی سەری ساڵی ئێزدییان پەیامێکی پیرۆزبایی بڵاو کردەوە و ڕایگەیاند، هەمیشە هەرێمی کوردستان بە وڵاتی پێکەوەژیان و لێبوردەیی و یەکترقبووڵکردن دەمێنێتەوە.
دەقی پەیامی سەرۆکی هەرێمی کوردستان؛
جهژنا سەرسالا ئێزدییان ل هەموو خوشک و برا و هەڤوەلاتی یێت مە یێت ئێزدی ل کوردستانێ، عێراقێ و ل هەر دەرەكا جیهانێ بن، ب گەرمی و ژ دل پیرۆز دکەم. هیڤیا جەژنەکا ئارام و پڕ خۆشی بۆ هەموویان دخوازم، هیڤیدارم ئەڤ سەرسالە ببیتە دەسپێکا سالەکا تژی سەرکەفتن و تەناهی.
د ڤێ هەلکەفتنێدا، جارەکا دی خوشک و برایێت خۆ یێت ئێزدی پشتڕاست دکەین کو وەک هەردەم هەرێما کوردستانێ دێ وەلاتێ پێکڤەژیان، لێبۆرین و هەڤقەبوولکرنێ بۆ هەموو پێکهاتەیان مینیت. ههروهسا دێ ههر مينين پشتهڤان و پارێزەرێت ماف و داخوازێت وان يێت ڕهوا.
سەرسالا هەموویان پیرۆز بیت، هەر سال ب خێر و خۆشی.
نێچیرڤان بارزانی
سەرۆکێ هەرێما کوردستانێ
٢٠٢٦/٤/١٥