ئەگەر شۆڕشی ئەیلوول نەبا ئاشنایمان لەگەل چیاکان پەیدا نەدەکرد (فازڵ میرانی)

عەمەر ئەرگوشی
ئەم وتەیە بۆ من زۆر بە نرخ بوو وە پەردەی لەسەر راستیەک لادا کە مرۆڤ لەناخەوە هەست بەگەورەیی شۆڕشی ئەیلوول بکات کە توانی کورد بەخاکی خۆی ئاشنا بکات و دادپەروەری و راست و رەوایی شۆڕشی ئەیلوول بخاتە بەردەم نەوەیەک کە لەلایەن پێشمەرگەکانی وەک کاک فازڵ میرانیەوە ئەمرۆ بەسەری بەرز بە گوێی خەلکی دەگەیێنن.
قارەمانێتی و خۆڕاگری گەلی کوردستان لە شۆرشی ئەیلوول کە بناخەی ئەمرۆی کوردایەتی و رزگاریان پتەو دانا، ڕۆڵەکانی کورد سنگیان کردە قەلغانی پاراستنی خاکی کوردستان و گەلی کورد و مافە رەواکانی، هەتا ئێستا ئەم شۆرشە مافی خۆی پێنەدراوەو وەک پێویست قوربانی و خەباتی سەختی کورد لە پێناو ئازادی و رزگاریدا نەخراونەتە روو..
دڵنیاین لە زومارەوە شۆرشی ئەیلوول کاک فازل و کوردستانیان لە هەموو کوردستانەوە ئاشناییان پەیدا کردووە بە ئەزمەر و هەموو ئەو چیایانەی کە پێشمەرگە قارەمانەکان بستێکیان نە هێشت داستانێکی قارەمانێتی لێ تۆمار نەکەن. منیان لە گۆشەیەکی دوورەدەستی سەرسنوور تورکیا هەرگوشی خوڕاگرەوە ئاشناکرد کە گڕەکەی بابەگورگور چەند بەگڕە و کەرکوکی دلی کوردستان چەند خوێنی لە دڵ دەڕژێ و بە چ ئەستەمیەک بارزانیی نەمر ئەو شۆرشەی کردە قوربانی سەروەری ئەم شارە خێرلەخۆ نەدیوەی شەهیدان، هەر کوردستانیەک دەیان چیرۆکی ئاشنابوونیان هەیە لەگەل پێشمەرگە و شاخ و بەرخودان و شۆرشە سەرتاسەریەکە٠
شۆڕشی ئەیلوول ئاهەنگی یەکترناسینی کوردستانیەکان بوو بە خاک و جوگرافیایای وڵاتی خۆی، بەرگریکردنێکی سەرسەخەت بوو لە هەبوونی گەلی کوردستان،لەم گۆرەپانی شەرە بەرگریەدا ئاهەنگی یەکترناسین و یەکتر لەباوەش کردنی پێشمەرگەکانی کوردستان بوو لە هەموو دەڤەر و قوژبنەکانی کوردستانەوە،دەستلەملانێیەک بوو بۆ هەتا ئێستاش گەلی کوردستان ئەو یەکگرتن و تەبایی و خوشەویستیەی لە مێژووی دوورو نزیکی خۆیدا نەیدیتبێت٠
سەردەمی شۆرشی ئەیلوول بوو کە گەلی کوردستان بە ئیمکاناتی کەم و ئیرادەی بەهێز رووبەرووی فرۆکە و بومبای ناپالم و دەبابەی مرۆڤ کوژ بوونەوە و سەرتاسەری کوردستانیان کردە یەکپارچە خۆراگری و بەرخودان بە ڕووی دوژمنی داگیرکەر و بۆ هەموو جیهانیان سەلماند کە نەتەوەی کورد و خاکی کوردستان بۆ داگیرکردن ناشێن و پەیڤی یان کوردستان یان نەمانیان کردە وێردی سەرزمان، هەتا ئێستا وزەی ئەم شۆرشە لە گیانی بزاڤی کوردایەتی دا وزە دەبەخشێ و گیانی کوردایەتی و مەردایەتی لە لە کەسایەتی هەموو کوردێکی بەشەرەفدا ئەجولێنێ .
گەورەیی شۆرشی ئەیلوول لەوەدا بوو کە گەلی کوردستان جگە لەو چیایانەی کە کاک فازل و گەلی کوردستان پێی ئاشنابوون دوستێکی تری لەم سەرزەویە نەبوو خۆی پێوەبگرێ و لە دامێنیدا بحەوێتەوە و چەندال سالیش لە خۆراگری و بەرخودانیش بەسەرکەوتویی بەڕابەرایەتی باوکی روحی نەتەوەی کورد بارزانیی نەمر بەردەوام بوو٠