عەبدولقەهار هەولێری
گۆهدار بۆتانی بەرپەرسی ڕێکخراوی لاوانی کوردی دیاسپۆرا لە هۆڵەندا، بە ناوی گرووپی ڕێکخراوە کوردستانییەکان لە هۆڵەندا، گوتی: ئێمە بەشێوەیەكی فەرمی
بانگهێشت كراوین بۆ پێشكەشكردنی یاداشتتەكەمان بۆ كۆمیسیۆنی هەمیشەیی كاروباری دەرەوەی پەرلەمانی هۆڵەندا لە لاهای. ئەمە بۆ ئێمە ساتێكی گرنگی سیاسی و كۆمەڵایەتییە بۆ دیاسپۆرای كورد لە هۆڵەندا، یاداشتتەكەمان بەشێوەیەكی
فەرمی لە ڕۆژی ١٠ـی شوبات ٢٠٢٦ پێشكەش کرد بۆ كۆمیسیۆنی هەمیشەیی كاروباری دەرەوەی پەرلەمانی هۆڵەندا لە لاهای.
گۆهدار بۆتانی دەیشڵێت: یاداشتەكە ئاراستەی سەرۆكی كۆمسیۆنی هەمیشەیی پەرلەمانی كاروباری دەرەوە و ئەندامانی كۆمسیۆنی هەمیشەیی پەرلەمانی هۆڵەندا دەكەین كە تێیدا هاتووە: ئەمڕۆ بە ناوی دیاسپۆرای كوردی قسە دەكەین، لە هەستێكی قووڵی بەرپرسیارەتییەوە بۆ سەقامگیری، مافە مرۆییەكان و حوكمڕانیی یاسا لە ناوچەیەكدا گرنگییەكی ڕاستەوخۆی هەیە بۆ ئەورووپا و بەم شێوەیە بۆ هۆڵەندا، كێشەی كورد نە تەنیا پرسێكی كاتی سەلامەتییە و هەروەها بابەتی مرۆڤ دۆستانەیە. ئەمە كێشەیەكی سیاسیی بنەڕەتییە و پێویستی بە ڕێبازیەكی بەردەوام هەیە. لە باكوور، باشوور،
ڕۆژاوا و ڕۆژهەڵات، كوردان توانای ڕێكخستنی كارگێڕی، ڕێكخستنی كۆمەڵایەتی و دەسەڵاتداریی دیموكراتی ڕوون و سەلمێنراو هەیە. ئەوەی كەمە و پێویستە ناساندن و پەسەندكردنی سیاسیی بەردەوامی نێودەوڵەتی و ئەورووپاییە ئێمە لەڕێی ئەم یاداشتەوە بە هۆڵەندییەكانمان گوتووە: داوا دەكەین بۆ جێبەجێكردنی بنەماكانی هەبوونی نێودەوڵەتی و ئەورووپایی، مافی خۆبەڕێوەبردن و ئۆتۆنۆمی، مافی نوێنەرایەتیی دیموكراتی و مافی پاراستنی كولتوور، زمان، سەلامەتی و دڵنیایی ژیان و ئابووری، ئێمە بە ڕوونی پشتڕاستی دەكەینەوە كە بەشێك لەم كێشانە تەنیا لە چوارچێوەی ئەورووپا دا دەتوانرێت بە شێوەیەكی كاریگەر چارەسەر بكرێت، بۆیە گوشاری سیاسی، هەوڵی دیپلۆماسی و ڕۆڵی بنەماسازانەی حكوومەتی هۆڵەندا، بەتایبەتی وەزارەتی كاروباری دەرەوە، زۆر پێویست و نایابە، هۆڵەندا لە ناو یەکیەتیی ئەورووپا ناوبانگی وەك پێشەنگێكی مافە مرۆییەكان، یەكسانیی ژن و پیاو و حوكمڕانیی یاسا هەیە. ئەم پێگەیە لێرەدا گرنگییەكی بنەڕەتیی هەیە.