ئەمڕۆ سێشەممە 2026.2.3، بە ئامادەبوونی دکتۆر پشتیوان سادق بەرپرسی مەکتەبی ڕێکخستنی پارێزگای هەولێرو ئومێد خۆشناو، پارێزگاری هەولێر و مامۆستا ئەحمەد کانی،بەرپرسی بەشی دیراسات و پێگەیاندنی پارتی و زانا مەلا خالید بەرپرسی لقی دووی پارتی و سەرۆکی زانکۆی سەڵاحەددین و ژمارەیەكی تر لە ڕاگر و مامۆستایانی زانكۆ و قوتابیان، لەهۆڵی سەنتەری ڕۆشنبیری زانكۆ، بڕوانامە رێزلێنان بەخشرایە 167 مامۆستا كە نازناوی زانستی پرۆفیسۆر یان لە سەر میلاکی کۆلێژ و پەیمانگەکانی زانكۆی سەڵاحەدین بەدەستهێناوە.
لەریورەسمەكەدا، پارێزگاری هەولێر، پیرۆزبایی لە هەڵگرانی نازناوی پرۆفیسۆرەکان کرد بەبۆنەی بەرزکردنەوەی پلەی زانستییان و ئومێدیشی خواست مامۆستایانی زانكۆ پەرەی زیاتر بە خۆیان بدەن و توێژینەوەی زیاتر ئەنجام بدەن ، وەكو پارێزگای هەولێر بەردەوام دەبن لەسەر هاندان و پشتگیریكردنی مامۆستایانی زانكۆ بۆ ئەوەی زانکۆی سەڵاحەدین سەركەوتنی زانستی دیكەی مەزن تۆماربكات.
لەكۆتایشدا لە لایەن ئامادەبووانەوە، دەستکرا بە دابەشکردنی بروانامەی رێزلێنان و خەڵاتەکان .