ئا: محەمەد لادێ
زنجیرەفیلمی “The Mummy” (کە بە کوردی بە “مۆمیا” ناسراوە)، بە تایبەتی ئەو سێ فیلمەی کە لە کۆتایی نەوەدەکان و سەرەتای دووهەزارەکاندا بڵاو کرانەوە، جێگەیەکی تایبەتیان لە دڵی هەوادارانی ئەکشن و سەرکێشی و ترسدا هەیە. کەسایەتییە سەرەکییەکان جەوهەری سەرکەوتنی فیلمەکان لە هاوسەنگی نێوان سێ کەسایەتیی سەرەکی بوو: برێندان فرەیزەر (Brendan Fraser) لە ڕۆڵی ڕیک ئۆکۆنێڵ (پاڵەوانی سەرکێش و بوێر)، ڕاشێل وایز (Rachel Weisz) لە ڕۆڵی ئێڤلین کارناهان-ئۆکۆنێڵ (توێژەرەوەی زیرەک و کتێبخانەزان) و جۆن هانا (John Hannah) لە ڕۆڵی جۆناتان کارناهان (برای ئێڤلین، کەسایەتی کۆمیدی فیلمەکە). ئەڵبەت سەرچاوە میدیاییەکان باس لەوە دەکەن کە گفتوگۆی جدی دەستی پێکردووە لەسەر بەرهەمهێنانی بەشی چوارەمی ئەم زنجیرەیە.
بەشە سەرنجڕاکێشەکەی ئەوەیە کە بڕیارە برێندان فرەیزەر و ڕاشێل وایز (کە لە بەشی سێیەمدا بەشدار نەبوو و کارلا گوجینۆ جێگەی گرتبووەوە) بۆ ڕۆڵەکانیان بگەڕێنەوە، گەڕانەوەی ڕاشێل وایز زۆر گرنگە، چونکە ئەو پەیوەندییە خۆشەویستییەی کە هەبوو لە نێوان ئەو و فرەیزەر بە یەکێک لە هۆکارەکانی سەرکەوتنی فیلمەکە دادەنرێت. ئەم گەڕانەوەیە بە تایبەتی دوای ئەو سەرکەوتنە دێت کە برێندان فرەیزەر بەدەستی هێنا لە فیلمی “The Whale” (نەهەنگەکە) و بەدەستهێنانی خەڵاتی ئۆسکار.
شایانی باسە لە کوردستانیش فیلمی مۆمیا بە یەکێک لە پڕ بینەرترین فیلمە جیهانییەکان دادەنرێت و هەواداری زۆرە.