ئەمڕۆ سێشەممە 16ی ئەیلوولی 2025، سەرۆک مەسعود بارزانی لە ڕێگەی تەلەفۆنەوە پەیوەندی بە (عەباس ئاکۆ عەباس ئاغا ئاکۆیی) کوڕی خوالێخۆشبوو ئاکۆ عەباس ئاغا کرد.
لە پەیوەندییە تەلەفۆنیەکەدا سەرۆک بارزانی پرسە و سەرەخۆشی خۆی بە عەباس ئاکۆ عەباس ئاغا و خانەوادەکەی و کەسوکاری گەیاند بۆ کۆچی دوایی ئاکۆ عەباس ئاغا و هاوخەمیی خۆی بۆیان دەربڕی.
دوێنێ دووشەممە ئاکۆی عەباس ئاغا کەسایەتی دیاری کوردستان و سەرۆکی عەشیرەتی ئاکۆ بەهۆی نەخۆشییەوە کۆچی دوایی کرد.