هۆنیار عەبدوڵڵا- هەولێر
کتێبی “دایکم بەم ڕۆژگارەی گەیاندم”، بەرهەمی نووسەر و لێکۆڵەر تاریق جامبازە، ئەم کتێبە گەنجینەیەکی پڕ بەهایە لە بیرەوەری و ڕووداوە مێژووییەکان. ناوەڕۆکی کتێبەکە کۆمەڵێک بابەتی هەمەجۆری لەخۆگرتووە.
کتێبەکە تەنها کۆمەڵێک بیرەوەری گشتی نییە، بەڵکو چیرۆکی تایبەتیش لەخۆدەگرێت کە پەیوەندییان بە کەسایەتییە دیارەکان و ڕووداوە گرنگەکانەوە هەیە.
هەروەها، بوونی بابەتگەلێک وەک “ترسان” و “گریان” دەریدەخات کە نووسەر لە نووسینەکانیدا ڕووبەڕووی هەست و سۆزی قووڵ بووەتەوە و هەوڵیداوە ڕاستگۆیانە ئەو ئەزموونانە بگوازێتەوە.
لە بەشەکانی کۆتاییدا، بابەتگەلێک وەک “بهر ههمه چاپكراوهكانم” و “نامهكان” دەبینین، کە ئاماژەن بۆ بەرهەمەکانی پێشووتری نووسەر و ئەو پەیوەندییە بەهێزانەی کە لەگەڵ کەسانی تردا هەیبووە..
بە گشتی ناوەڕۆکی کتێبی “دایکم بەم ڕۆژگارەی گەیاندم” وێنەیەکی ڕوونی ئەو بابەتانەمان دەداتێ کە نووسەر ویستوویەتی لە کتێبەکەیدا باسیان بکات. لە ڕێگەی ئەم کتێبەوە، دەتوانین تێبگەین کە چۆن نووسەر ویستوویەتی یادەوەرییەکانی خۆی و ڕووداوەکانی مێژووی کوردستان بەیەکەوە گرێ بدات و چیرۆکێکی هەمەلایەنە لەسەر ژیان و خەباتی گەلی کورد بگێڕێتەوە.
کتێبەکە ٤٢٨ لاپەڕەیە و فازڵ شەوڕۆ پێیداچووەتەوە و لە چاپخانەی زانکۆی سەلاحەدین چاپ کراوە.