ماكوان عيززه‌‌ت-هەولێر
د. شێرکۆ محەمەد عەلی پسپۆڕی نەشتەرگەری و نەخۆشییەکانی قورگ و لووت و گوێ هۆکارەکانی نەمانی هەستی بۆنکردن دەخاتە ڕوو كە لە چەند خاڵێكدا ئاماژەیان پێدەدات:
*حاڵەتی لووت و جیوب: لە ئەنجامی حاڵەتەکانی لووت و جیوبەوە کە ڕێڕەوی لووت دەگرێت، وەک حەساسیەت، هەوکردنی جیوب، گۆشتی زیادەی لووت
*هەوکردنی کۆئەندامی هەناسەدانی سەرەوە: هەوکردنی ڤایرۆسی وەک هەڵامەت یان ئەنفلۆنزا یان کۆرۆنا دەتوانێت بۆ ماوەیەکی کاتی هەستی بۆنکردن تێکبدات بەهۆی هەوکردن و ئاوسانی ڕێڕەوی لووت.
*زەبر و زەنگی سەر: زەبر و زەنگ ، لەوانەش شکانی کەللەسەر یان برینداربوونی لووت، زیان بە دەمارەکانی بۆنکردن دەگەیەنێت یان ئەو ڕێڕەوی دەمارەی کە لە هەستی بۆنکردندا بەشدارن تێکدەدات
*هەندێک حاڵەتی دەمار، وەک نەخۆشی ئەلزەهایمەر، نەخۆشی پارکینسۆن، یان گرێی مێشک، کاریگەری لەسەر دەمارەکانی بۆنکردن یان ئەو ناوچانەی مێشک هەیە کە بەشدارن لە بۆنکردن، لە ئەنجامدا دەبێتە هۆی نەمانی ئەم هەستە.
*دەرمان: هەندێک دەرمان بەتایبەت ئەوانەی بۆ چارەسەری کیمیایی، دەرمانی دژە بەرزی فشاری خوێن بەکاردەهێنرێن، یان ئەو دەرمانانەی زینکیان تێدایە
*بەرکەوتنی ژەهراوی: بەرکەوتن بە هەندێک مادەی کیمیایی، پیسکەر، یان ژەهر، وەک دوکەڵی جگەرە، ماددە کیمیاییە پیشەسازییەکان، دەبێتە هۆی زیانگەیاندن بە دەماری بۆنکردن .
*هۆکارە بۆماوەییەکان: لە حاڵەتە دەگمەنەکاندا، ڕەنگە بۆن نەکردن زگماکی بێت (لە لەدایکبوونەوە هەبێت) بەهۆی نائاسایی بۆماوەیی کە کاریگەری لەسەر گەشەکردن یان کارکردنی سیستەمی بۆنکردن هەیە.
*کۆکایین
*هۆکاری نادیار: لە هەندێک حاڵەتدا ڕەنگە هۆکاری نەمانی هەستی بۆنکردن دەستنیشان نەکرێت.