ئەمڕۆ پێنجشەممە 2025.5.8، ئومێد خۆشناو، پارێزگاری هەولێر، لە دیوانى پارێزگا، پێشوازیى لە شاندێکى پارتی گەلی کۆماری تورکیا (جەهەپە) کرد، کە پێکهاتبوولە ( د.پەرەپەسۆر، د.خورشید گۆنیش، وات مەلیک، سەعید مەلیک ).
لە دیدارەکەدا، پارێزگارى هەولێر، خۆشحاڵى خۆى بەسەردانەکەیان بۆ هەولێرى پایتەخت نیشاندا و ئومێدى خواست لەو ماوەیەى کە لە هەولێرى پایتەختن کاتەکانیان بە خۆشی بەسەرببەن.
لە بەشێکى ترى دیدارەکەدا، پارێزگارى هەولێر، هیواى خواست پڕۆسەى ئاشتى لە تورکیا سەرکەوتووبێت و دووپاتیشى کردەوە کە “سەرۆك بارزانی” هەمیشە جەختی لە بایەخی پڕۆسەی ئاشتی وەك تاكە ڕێگەی دروست بۆ گەیشتن بە چارەسەری كردۆتەوە و “سەرۆک بارزانى” و “سەرۆکى هەرێمى کوردستان” و “سەرۆکى حکومەتى هەرێمى کوردستان”، بەردەوام پاڵپشت و پشتیگرى پرۆسەی ئاشتیین.
گوتیشى، بە پێزانینەوە دەڕوانینە ڕوانگە و هەڵوێستى ئێستاى (جەهەپە) لە پڕۆسەى ئاشتیى و بەرامبەر بە پرسى کورد. ڕاشیگەیاند: “ئومێدى دەکەین پڕۆسەى چارەسەرى ئاشتیانەى پرسى کوردە لە تورکیا سەرکەوتووبێت”.
لەلایەن خۆیانەوە، شاندى میوان سوپاسى پارێزگارى هەولێریان کرد بۆ پێشوازییەکەى و جەختیان لە پتەوکردنى پەیوەندییەکان کردەوە و پاڵپشتى و خواستەکانى پارێزگارى هەولێریان بەرزنرخاند.