هەشتی مارس و هزارەهان چیرووكێن دل ب ئێش ژبو سەركەفتنا ئافرەتێ

رێژین نهێلی
ل رۆژا هەشتی مارس كۆ ب گرنگترین روژ لدەف هەموو جیهانێ دهێتە دیتن و نیاسین وهەریەك بەحس ل هندەك ئیش و ئازارێن وەلاتێ خوەدكەت و جاران ژی بەحس ل ئێشان قوربانی دانا هەمی ئافرەتان دهێتەكرن .
زوور جار ئەم لڤێ روژێ بەحس ل چاوانیا دروست بونا ڤێ روژێ دكەین و نەهامەتیا ژنێن بیانی دكەین ژبو بەرپابونا ڤێ روژێ و دبیت مە كێمتەرخەمی دەرحەق ئافرەتا خوە یا كوردستانێ كربیت و ئەو هەمی راستی و تراژیدایێن لپشت خوە هێلاین و تێدا خوراگربویە و سەدان چیرووكێن قوربانی و بزاڤ كرن بو پاراستنا ناڤ و ناسناڤێ خوە مللەتێ خوە گیانێ خو دانایە و بێ سەرو شوێن بویە و ئازار كێشاینە ئەم لبیراخوە بینین كو چ ژنان هندی دایكێن مە نەهامەتی و قوربانی دان و هەمی جورێن دەردە سەریێ نەدیتینە د ژیانا دەربەردەریێ و هەژاری و بێ خوەدانیێ و زیندان و ئەشكەنجێ و كاركرن بو برێڤەبرنا مال و زاروكێن خوە نەخاسمە د ئێتیمیێ دا بویە دایك و باب ژبو زاروكێ خوە و سەر بو كەسێ نەچەماندیەو خوراگر و رێزداربویە
لەورا هەر د كەڤن دا و هەتا نوكە ئافرەتا كورد ب درێژاییا مێژوویێ بو گەهشتن ب مافێن كەسی و نەتەوەی تێكوشانكریە و هەردەم مل ب ملێ زەلامی كاركریە د ئەرك و خەمێن گران یێن شورەشێ و بەرخوەدانێ ملێ خوە دایە بەرڤان خەمان و هەردەم بەژداریەكا كاراد خەباتا رزگاری خوازیا گەل و نیشتیمانی دا هەبویە و ژنێن كومەلگەها كوردستانێ ب كریار سەلماندیە كۆ د هەمی جودا جودایێن گەشەپێدان و پێشخستنا كومەلگەهێ و وەلاتی دا رولەكێ كاریگەر و سەرەكی هەبویە و هەردەم خەبات ژبو ئازادی و دیموكراسیێ بویە، ئافرەتا كوردستانێ چالاكڤان و خەباتكەبویە مینا شەهید(لەیلا قاسم) نمونەیا یەكسانی و ئازایەتیێ و گیان فیداییێ بویە لەورا دڤێ روژێ دا سەرێ رێز و نەوازشێ بو شەهید لەیلا قاسم و دایكا عایشا و دایكا سێ شەهیدا و هەمی شەهیدێن كورد كوردستانێ دچەمینین و روژا جیهانیا ئافرەتان ل گشت جیهانێ بگشتی و كوردستانێ ب تایبەتی پیرووزدكەین..