یاریزانی كرواتیی یانەی ریاڵ مەردید لۆكا مۆدریچ، بڕیاری خۆی لەسەر چارەنووس و مانەوە یان بەردەوامبوونی لە یانەكەی دا.
یانەی ریاڵ مەدرید لە گەڕی ڕابردووی لا لیگادا، بە ئەنجامی 2-0 گۆڵ لە یانەی جیرۆنای بردەوە، لەو یارییەدا لۆكا مۆدریچ گۆڵێكی نایابی تۆمار كرد، كە لێدانێكی یەكجار بەهێزی لە دەرەوەی هێڵی سزا ئاڕاستەی گۆڵ كرد و گۆڵی یەكەمی یانەكەی تۆمار كرد.
سەرەڕای كەمبوونەوەی خولەكەكانی بەشداریكردنی لە یارییەكانی یانەكەی لەم وەرزە، بەڵام مێدیاكانی ئیسپانیا پێیان وایە، مانەوەی لە سەركردایەتیی ریاڵ مەدرید، یەكلاكەرەوەیە و زۆر پێویستیشە بۆ تیمەكەی كارلۆ ئەنچیلۆتی.
ئەو یاریزانە 39 ساڵانە، جێی ڕێزی هەموو ئەندام و یاریزانانی یانەكەدایە.
بەپێی تۆڕی هەواڵی ریلیڤۆی ئیسپانی، مۆدریچ پێشوەختە بڕیاری خۆی دەدا، كە بۆندێكی نوێ بكا و لە كاتێكی زووتردا بكا، بەراورد بە بڕیارەكانی لە وەرزەكانی ڕابردوودا.
دوای یارییەكەی ڕابردووشیان، كارلۆ ئەنچیلۆتی ئاماژەی بە ئاستی مۆدریچ كرد و وتی: مۆدریچ دیارییەكە بۆ تۆپی پێ، پێویستە لەگەڵمان بەردەوام بێ بۆ زۆرترین ماوە.
گوتیشی: ئەو ئەفسانەیەكی ڕاستەقینەیە، هێشتا ئاستێكی باش بە جوانترین شێوە پێشكەش دەكا، زۆر بە پیشەگەرانەش دەجووڵێتەوە و یاری دەكا.