دلڤین شەمال
دچەرخێ نیدا پێشڤه‌چونه‌كا مه‌زن بخوڤه دیتیه و ژیان ب ئاسان كریه، لێ چه‌ندین مه‌ترسی ژبوو پیسبوونا ژینگه‌هی لدیف خۆ ئیناینه و كارتێكرنێ لسه‌ر ژیانا مرۆڤان کریە.
پێشكه‌فتن و زێدەبوونا كارگه‌هێن بەرهەم ئینانێ بویه ئه‌گه‌رێ زێده‌بوونا به‌رمایكان و غازاتێن پیس و ماددێن كیمیایی ئه‌وێن كو ژ كارگه‌هێن مه‌زن دروست دبن، دبیته ئه‌گه‌رێ گۆهرینێن مەزن دژینگەهیدا و مەترسیێ لسەر ژیانا هەڤوڵاتیان دروست کریە.
پاراستنا ژینگه‌هی ئێكه ژ ئارمانجێن گرنگ یێن هه‌می وەڵاتانە كو بزاڤێ دكه‌ن بده‌ستخوڤه بهینن، دویركه‌فتن ژ سروشتێ تەژی پیساتی و به‌رمایك.
کوردستان مینا وەڵاتێن پێشکەڤتی خودان ژینگەهەکا پاقژ و سرۆشتەکێ بالکێشە ژبەرکوو پتریا وێ کەسکاتیە، بەلێ ل ڤان سالێن داوییێ ژبەر پێشڤەچوون زۆر بوونا کارگەهێن هەمەجور و هاڤێتنا بەرمایکان مەترسی ل سەر ژیانا هەڤڵاتیان دروست بیە،سەرۆکێ حکومەتێ ڕێزدار مەسرور بارزانی ل رێکەفتی ١٢-١-٢٠٢٥ سەرپەرشتیا کومبوونەکا تایبەت ب دیڤچوون و چارەسەرکرنا ئاریشا پیسبوونا ژینگە و کەشوهەوایی کر، هند بریار دەرئێکخستن، کو د بەرژەوەندیا ژینگەهێ هەرێما کوردستانێ و پاراستنا ساخلەمیا هەڤوڵاتیان دابیتن، هەڤدەم ئاماژە ب وێ چەندێ دا کو پرسا ژینگەپارێزیێ بەشەکێ گرنگێ کارنامەیا حکومەتا هەرێما کوردستانێ یە و پیدڤیە ئەرک و خەما هەمیان بیتن.
هەرێما کوردستانێ ب سروشتێ خوییێ بالکێش سەرنجا هەمی جیهانێ بو خو راکێشایە پاراستن و پاکژ ڕاگرتنا ژینگەهی ئەرکێ مە هەمیانە، ژینگە و سروشتێ جوانێ کوردستانێ ب پاکژی ڕابگرین؛ هەست ب بەرپرسیارەتیێ بکەین بەرامبەر پاکژیا ژینگەهی و هوشیاریا زیاتر بلاف بکەین ب رێکا سوشیال میدیایی و پەروەردێ و خێزانێ.
ئەم هەمی پێکڤە هوشیاربین لسەر پاراستنا پاکژیا ژینگە نەخاسمە ل مەها ئادارێدا بتریا خەلکێ مە د ڤێ مەهێدا خۆ ئامادە دکەن ژبوو چوونا سەیرانان، کو ئەرکێ هەر تاکەکی یە پارێزگاریێ ل ژینگەهێ بکەت و ب شێوەیەکی جوان ژینگەهێ بپارێزیت جهێن گەشتیاری پاکژ رابگرین د ژینگەهەکێ ساخلەمدا بژین چونکی ژینگە مولکێ مە هەمیانە.
ژینگە مولکێ مە هەمیانە
