رۆژی دووشه‌ممه رێكه‌وتی 3.2.2025 سیداد بارزانی ئەندامی مەکتەبی سیاسیی پارتی دیموکراتی کوردستان بە نوێنەرایەتی سەرۆک بارزانی و دکتۆر پیرۆت تێکۆشەری دێرینی کوردو ئومێد خۆشناو پارێزگاری هه‌ولێر و بڵند ئیسماعیل بەرپرسی لقی دووی پارتی و چیا هەرکی یاریدەدەری بەرپرسی مەکتەبی رێکخستنی هەولێری ( پ د ك ) بەمەبەستی پرسینەوە لە تەندورستیان سەردانی ئاکۆ عەباس ئاغایان کرد، کە چەند رۆژێکە لە دەرەوەی وڵات گەراوەتەوە.
لەمیانی سەردانەکە سیداد بارزانی سڵاوی جەنابی سەرۆک بارزانی پێ گەیاندو لە ڕەوشی تەندروستی کاک ئاکۆ عەباس ئاغای پرسی و هیوای تەندروستیەکی باش و زوو چاکبوونەوە و ساغ و سەلامەتی بۆ خواست.
لەلایەن خۆیەوە ئاکۆ عەباس ئاغا خۆشحاڵی بەو سەردانەیان دەربڕی سوپاسی سەرۆک بارزانی کرد، کە بە پەرۆشەوە لە هەواڵیان پرسیوەتەوە …
نوێنەری سەرۆک بارزانی، لە تەندورستی ئاکۆ عەباس ئاغا دەپرسێتەوە
